President Muhammadu Buhari don launch the Nigeria Economic and Growth Plan, ERGP, wey suppose restore out nation economic status as per the high rate of inflation and recession.
Dem launch ham before dem start the meeting of Federal Executive Council, FEC, for the Council Chamber, Aso Rock, Abuja.
Na all the cabinet dey the launching and some top government functioanries dey there, people like Chairman of the governing All Progressives Congress, APC, John Odigie-Oyegun; Senate President Bukola Saraki; Speaker of the House of Representatives, Yakubu Dogara; and chairman of the Nigeria Governors Forum, NGF, and Governor of Zamfara State, Abdulaziz Yari.
MR. Buhari talk say hin administration face many problem as dem dey try do everything. The presido talk say hin administration go make sure dem deliver the tree keys wey dem promise during the campaigns; wey be to tackle corruption, insecurity and ensure economic growth.
He talk say Security for the North East and for other parts of Naija don better than when dey first climb post. He talk say dem dey fight insecurity and corruption.
The presido talk say ERGP shook eye for agriculture and to make sure say food many and undustrialisation and social investment.
He yarn say he aim na to comot Naija from recession.