Members of Agbor Gha Ihun security vigilantee group for Delta State yesterday don arrest one 70-year-old wey hin name na Sunday Nwokoro, unto say he rape 12-year-old primary four student for Agbor Model Primary School, Agbor.
Nwokoro wey dey drive motor before, dem catch ham when he go see the girl wey she rape for her house.
The papa of the girl wey dem rape, Friday Egbineka, he follow the reporters yarn say Sunday Nwokoro dey live near in hoouse for Umudein Street, Agbor.
He say hin pikins dey always go hin house go dey watch film, but, i no know say he dey sleep with my third child wey dey primary four for Agbor Model Primary Scool, Agbor.
Before now ehn, Mr Friday talk say hin other pikins dey tell ham say the girl too dey tey for Mr Sunday house for night.
He talk say hin job no dey make ham monitor hin pikins
Mr Friday talk say hin wife wey be the mother of hin children die last year and hin own mama too don die. Na when Mr Nwokoro con greet me for the loss na hin my pikin talk say na him dey sleep with ham.
He talk say immediately the girl tell ham the matter, na so he sharply go meet ham but Mr. Nwokoro deny the matter. He later con confess after them invite the members of Agbor Gha Ihun.
The girl, wey dem no tell us her name beause of her age follow the newsmen talk say Mr. Nwokoro follow ham sleep, she say she follow her friends go watch film for hin house na that time the man drag ham go hin room and he con tell ham say he dey give ham N100 anytime dem sleep.
She talk say when she dey hin room, the man overpowered ham and he finger the girl many many times. Na hin disvrgin me.
I don report ham give my papa when he come our house yesterday, The Girl.
Nwokoro wey ome from Agbor talk say na the work of the devil.