After 52goals for 83 matches, two EPL titles, One EFL Cup and plenty of memmorable moments, E be like say Diego Costa go comot for Chelsea. The Brazilian-born Spaniard talk say Antonio Conte wey be Chelsea Manager send ham text message say hin time don up, e be like say dem no go need ham again.
If Costa comot for Chelsea, another player wey comot for Stamford Bridge years ago don dey ready to come back. That man na Romelu Lukaku. See reasons why Chelsea fans suppose dey happy say the guy won come back;
- Romelu Lukaku get strong confidence and he sabi score goal well, he don dey score goals since when he dey sixteen. He dey top scorer for Belgian league for hin first full season for Anderlecht and na that year them win the league for 2009/10. Lukaku score 41 goals for 98 games for Anderlecht when he be 18 years before Chelsea con buy ham for 2011.
- Romelu Lukaku don dey score pass Diego Costa for the past two seasons and he dey create many many opportunities for hin team mates. As Chelsea fans know say Antonio Conte na very hardworking coach, and if he want continue with Lukaku for the same form, the Belgian go need change hin game, as stats and optics don make us know say Lukaku no be that kind player. Na 60 forwards make interception last season, Lukaku no dey among dem and Lukaku make only nine tackles last season. In fact ehn, the guy just manage get one interception and 33 tackles for the past three years for league.
- Lukaku no be the kind player wey dey too hustle for ball. For all the strikers wey don play thousand minutes for the league last season, he dey bottom list wey he cover just average of 8.84km per game. Wetin Chelsea dey expect from ham be say make he position well and make he score goals.