President Muhammadu Buhari follow President Donald Trump of United States of America talk yesterday Monday afternoon for London, United Kingdom where he dey. With this one now, the rumour wey dey go on about our presido go don come back cos President Buhari dey London for medical vacation. Special Adviser to the President for Media and Publicity, Mr, Femi Adesina talk say President Buhari congratulate Trump on hin election as the Presido of United States, and hin cabinet. He talk say the two leaders yarn about how dem fit improve cooperation in the fight against terrorism. He talk say President Trump praise President Buhari, he tell ham say make he continue with the good work wey he dey do, and he also commend ham on the 25 Chibok Girls wey he save and the strides wey Naija Military carry.
Trump assure Naija President say US dey ready to help them with military weapons make them use combat terrorism. The American President don invite Buhari make he come Washington anytime wey he dey available.